Mas maabu pang international cruise ships ro ginaeauman nga magabisita sa isla it Boracay sa first ag second quarter it dag on 2024.
Kapin sa waeong cruise ship ro posibleng magdungka sa isla umpisa makarung buean it Enero hasta Abril makarun nga dag on.
Ro MV Resorts World One hay magaabot sa Boracay sa February 7, 2024 sa an-um nga gabii nga pagbiyahe halin sa Singapore.
Nagpatigayun ro nasambit nga cruise ship it inaugural voyage sa nasyun, nga nagdaea it kapin sa masobra 2,700 nga mga bisita kaeakip ro crew nga nagdunga sa Boracay ku January 24, 2024.
Magabisita man ro MV Norwegian Jewel sa Boracay sa February 25 sa 11-Asia Night Philippines Vietnam Sailing, samtang ro Holland America Line hay magaumpisa sa andang 15-day “The Philippines, Taiwan and Japan” itinerary kaeakip ro pagbiyahe halin sa Yokohama, Japan paagto it Boracay sa February 25 padueong sa Hong Kong.
Magabalik man ro MV Resorts World One sa March 5, samtang ro Crystal Symphony hay magaabot sa isla it Boracay sa March 7 bago mag agto sa South Pacific-Bali padueong it Mumbai.
Ro Seabourn Sojourn hay magadungka sa Boracay sa March 17, samtang ro Windsor Star Breeze, nga sangka all-suite luxury yacht, hay magabisita sa Boracay sa April 4. // ANN DESLENE SALAZAR