GITUBAG sa mayor sa Polomolok, South Cotabato ang isyu sa pagsaka sa problema sa iligal nga droga sa munisipalidad.
Matud ni Mayor Bernie Palencia, dili tinuod nga nahimong times 5 ang problema sa lugar kalabut sa gidiling droga.
Paglingkod pa lang niini sa pwesto sumala pa gimandu na niya sa kapulisan nga hugtan ang kampanya batok iligal nga droga.
Apan giangkon nga gimandu nga kung mahimo dili lang maabot sa kamatay ug angayang hatagan og tyansa nga mabag-o ang nalambigit niini. Sa bahin usab sa Philippine Drug Enforcement Agency (PDEA) 12 dili masulti ni Kath Abad, ang tigpamaba ang ihap sa nalambigit sa gidiling droga. Apan sa drug clearing operation, gikan sa 23 ka sa Polomolok naa lang sa duha ang pabiling drug affected. Sagad sa mga barangay karon ang nagproseso na alang sa retention sa ilang mga barangay isip drug cleared. I Richel Gubalani