Umapila sa mga Malinaonon nga i-divert sa second option ru pangabuhi-an it mga pumueoyo dahil sa gina dudahan nga naka sueod eon sa nasambit nga municipalidad ru African Swine Fever (ASF).
Suno kay Malinao Mayor Josephine Iquiña sa BRIGADA News FM Kalibo, 4 ka mga barangay particular ru Lilo-an, Banaybanay, Cogon ag San Ramon ru gin bue-an it blood sample ag gina hueat pa ru resulta.
Apang, gina patihan nga positibo dahil sa mga signs ag symptoms nga nakikita sa mga alagang baboy particular ru mga block spot, naga kurog-kurog ag matapos ru 3 adlaw hay naga kamatay.
Gina batyag man sigun it alkalde ru mga hinaing it mga pumueoyo particular ru mga alagang baboy hay para sa pagpabueong sa may sakit, para matrikula it mga unga, ag haeos pangayu-on lang sa baratong presyo ru mga karneng baboy.
Dugang pa ni Iquiña, uwa magkueang ru LGU-Malinao ag Aklan Province sa pagpatuman it mga sueondanan apang indi eon mabalibaran ru virus nga hatud it ASF ngani kinahangean na ru kooperasyon it bilog nga Malinaonon.//MARIVIC Y. ILIN