LEGAZPI CITY – Pigbisita kan Municipal Disaster Risk Reduction and Management Office (MDRRMO) Daraga Operations Unit an mga kampo santo sa banwaan.
Obheto kaining masiyerto na andam na an mga lugar sa papaabot na aldaw nin undas na magkakawsa nin ruso ki mga tawo.
Saro sa mga isinagibo iyo an mapping kan mga kampo santo sa Binitayan, Kimantong, Bagumbayan asin Anislag na lakdang nganing maindetipikar na an mga entrance asin exit points.
Mientrastanto, nagpagirumdom man an opisina sa mga mabirisita o mapasiring sa kampo santo na utubon an mga regulasyon nganing mamantenir an seguridad asin pagigin organisado.