Naeomos patay ru sangka menor de edad matapos magpaligos sa suba sa Sitio Macapio, Brgy. Logohan, Madalag, Aklan kahapon it hapon.
Base sa inisyal nga imbestigasyon it Madalag MPS, sangka 8 dag-on nga ungang eaeaki ru biktima ag residente it Brgy. Toralba, Banga, Aklan.
Naga selebrar sigun it birthday ru lola it biktima rason nga sanda hay nag tilipon sa lugar ag uwa napan-uhi ru biktima nga naka adto sa madaeom nga portion it suba.
Eagi man nga naghimo it rescue operation ru mga rescuers apang patay eon kat makit-an ru biktima.
Nahimo pang daehon sa hospital ang biktima apang gin deklara it doctor nga dead on arrival.//MARIVIC Y. ILIN