Nadiskubre han tropa han 63rd Infantry Battalion, ha ilarom han operational control han 802nd Infantry Brigade, 8th Infantry Division, Philippine Army an upat nga AK47 Assault Rifles, lima nga Upper Receiver han M16 Rifles, lima nga magazine hin AK47, ngan duha nga disc-type magazine han AK47 rifle ha kabukiran han Sitio Bagti, Barangay Mabini, Basey, Samar, kakulop han aga, Enero 15, 2024.
Subay ha pahayag ni Lieutenant Colonel Lucio R Janolino INF (GSC) PA, Commanding Officer han 63rd Infantry Battalion, an kadiskubre han nasabi nga mga armas in resulta han padayon nga pagbulig han usa nga anay hataas nga lider han CPP-NPA-NDF nga nag-surinder ha tropa han gobyerno dida han naglabay nga Disyembre han 2023 ipinaagi han programa nga “Friends Rescued Engagement through their Families” (FReE Families) han Municipal and Provincial TF-ELCAC.
Ginhatagan naman hin pagkilala ni Brigadier General Noel A. Vestuir, Commander han Army’s 802nd Infantry Brigade an tropa para han ira dedikasyon ha serbisyo agud makabulig nga mag-malinampuson an kampanya hiton gobyerno kontra ha insurhensya.//edited, MENG TRINIDAD