Naging mabahoe nga parte ro mga domestic tourist para sa pagpadayon it mabaskog nga lokal nga ekonomiya sa isla it Boracay.
Base sa datos it Malay Municipal Tourism Office ro domestic tourist arrivals hay nagaabot sa 83,226 halin Disyembre 1 hasta 25, 2021.
44% dikara hay mga turista halin sa National Capital Region ag 18% hay halin man sa Western Visayas.
Pero bangud sa pagtuhaw it bag-ong coronavirus variant nga Omicron, naging mabahoe nga problema ro pagsueod it mga turista halin sa ibang nasyun.
Sa pihak dikara, nagpahayag gihapon it kumpiyansa ro gobyerno probinsiyal it Aklan nga maeampasan it sektor it turismo ro epekto it krisis nga gintuga it pandemya./JIL B. LACSON