Gina-imbitar ni Mayor McArthur Valdemar ang mga Jamindanganon nga magbuylog kag magpa-register na sa patigayunon nga Medical kag Dental Mission sa maabot nga Pebrero 29 tubtob Marso 1, 2024.
Sa interview sang Brigada News FM Roxas kay Mayor Valdemar, iya ginpahayag nga magahatag sila sang schedule sa mga barangay kapitan agud sila ang magapaabot sa ila pumuluyo kag makapanglista sa mga luyag mag-avail sa amo nga serbisyo.
Suno sa alkalde, target nila nga makaakomodar sang 4,000 ka mga benepisyaryo sa duha ka adlaw nga mission.
Nagapasalamat man si Valdemar sa The Group International Foundation Inc. – mga medical practitioner nagikan sa America kag Manila nga magapadulong sa nasambit nga banwa agud magbulig kag magaserbisyo sa pumuluyo. | Judy Ann Juare