Wala sa guihapon nakabaton ang mga jeepney drivers sang Capiz sang fuel subsidy gikan sa gobyerno nasyonal.
Ini ang ginakabalaka sang pila ka mga drayber bangud sa sunod-sunod nga pagtaas sang presyo sang gatong sang nagligad nga sinemana apisar sa ginpatuman nga gamay nga oil price rollback subong nga adlaw.
Sa interview sang Brigada News FM Roxas City kay Romeo Monsale, isa ka jeepney driver, pigado ukon lugi sini ang ila byahe tungod sa gastos sa kurudo.
Dugang pa, makapila na kabeses nga wala ini sang pasahero pabalik sa syudad rason nga sakto lang ang iya kita nga ibayad sa boundary.
Matandaan nga nag-alokar ang gobyerno P4 bilyones para sa fuel subsidy program kun sa diin masobra P6,500 ang igahatag sa mga public utility vehicle operators, mapa modern man ukon traditional.