Pinayagan ng Provincial Health Office na bakunahan kontra corona virus disease ang mga kabataang edad labindalawa hanggang labing-pitong taong gulang na walang karamdaman o non-comorbid sa mga Rural Health Unit ng bawat bayan.
Ayon kay Zambales Provincial Health Officer Dr. Noel Bueno, kinakailangan lamang na doctor ang mag-aassess sa magpapabakuna sa mga RHU.
Kung sakali naman na mayroong comorbidity ang pupunta sa RHU, i-rerefer ito sa mga ospital.Ang referral hospital ng mula Subic hanggang San Antonio ay San Marcelino District Hospital, mula San Narciso-Iba naman ay sa Pres. Ramon Magsaysay Memorila Hospital, Masinloc-Candelaria ay sa Candelaria District Hospital at ang Sta. Cruz ay sa Ospital ng Sta. Cruz.
Samantala, nitong nakaraang Byernes ay nagsimulang magbakuna ang Zambales sa mga kabataan at umabot sa 154 ang mga nabakunahan.//Jen Bayot-BNFM OLONGAPO
