NAGSUGOD na ang kampanya sa mga lokal nga kandidato sa General Santos City, Marso 25, 2022.
Sa mga kadalanan, bisperas pa sa kampanya makita na ang mga tarpaulin sa matag partido nga nakabutang sa mga common poster areas.
Madungog na ang mga jingle sa mga kandidato sa mga trompa nga gimontar sa mga sakyanan, makita na ang mga motorcade ug paghakot sa mga taga suporta.
Aduna usab nitambong sa misa bag-o sa opisyal nga pagsugod sa kampanya, adunay niadto sa city hall bag-o motuyok sa syudad.
Samtang ginapahimangnoan sa taga Comelec ang mga empleyado sa goberno hangtud sa mga barangay ang dili moapil sa mga rally o pangampanya aron nga dili magkaproblema kon adunay magreklamo kay ginabawal ang pag-apil sa kampanya sa mga empleyado sa goberno gawas niadtong nilansar kay dapat non partisan.
Sumala kay Atty. Jose Villanueva mamahimo ang ‘hakot system’ sa naga- rally basta dili gamiton ang sakyanan nga iyaha sa goberno. I Ver Diazon