Gintalakay sa ginpatigayon nga Committee Hearing sang Sangguniang Panlalawigan ang pila ka mga kinamatarong sang Indigenous People sa probinsya sang Capiz.
Ginhatagan diri sang pagtamod ang kaimportansya sang Republic Act 8371 ukon “The Indigenous Peoples’ Rights Act of 1997”.
Ini ang ginpangunahan ni Rafe Laluma, Indigenous Peoples Mandatory Representative sa Sangguniang Panlalawigan kaupod ang mga tiglawas sang mga IP sa probinsya, pila ka Barangay officials, kag sang National Commission on Indigenous Peoples (NCIP).
Nakasaad sa amo nga layi, nga dapat respetuhon ang mga miyembro, kultura, kagamitan, lugar, kag tradisyon sang mga IP sa probinsya sang Capiz.
Ginakinahanglan man nga ang tanan nga magapatigayon sang anuman nga aktibidad kapareho sang paghimo sang pagtuon, ukon luyag magbisita sa lugar sang mga IP, nagakadapat nga may permiso nagikan sa NCIP kag mismo sa IP community.
Matandaan nga nagpapasar sang resolusyon ang Sangguniang Panlalawigan nga nagasuporta sa kinamatarong sang mga IP kag ma-proteksyunan ang ila komunidad. | Judy Ann Juare