Mga mambabatas, humiling ng agarang LEDAC meeting

Umaasa ang ilang mga mambabatas na mauumpisahan na ang pag-convene sa Legislative Executive Development Advisory Council ‘o yung LEDAC.

Sa gitna pa rin ito ng pag-veto ni Pangulong Bongbong Marcos sa limang mga panukala sa unang isang daang araw niya sa Palasyo – pati na rin ang pagkaka-lapse into law ng ilang mga mga bills ng nagdaang Kongreso.

Ayon kay Senate Majority Leader Joel Villanueva, posible umanong sa susunod na linggo ay maaari nang magpatawag ng LEDAC meeting.

Maliban sa mga serye ng vetoed bills, tatalakayin dinumano ang mga 19 na mga priority bills na inisa-isa ni Marcos sa kanyang nagdaang SONA.

Una nang sinabi ni Senador Chiz Escudero na maiiwasan ang tinatawag niyang “bill vetoing-spree” ng Malacañang kung mayroong epektibong point person na mag-uugnay sa Palasyo at Kongreso sa pagkamit ng legislative agenda ng punong ehekutibo.
#