Bilang paghaeong sa pagsiklab it bird flu sa Luzon, gintukoy it Department of Agriculture (DA) 6 ro mga lugar sa rehiyon kung siin nagatipon ro maabong migratory bird.
Ro mga lugar ngara hay makit-an sa banwa it Sara, Dumangas, Ajuy, ag Concepcion sa probinsiya it Iloilo; Sipalay City sa Negros Occidental; Sibalom sa Antique; ag Barangay Bugnay sa Jordan, Guimaras.
Base sa pahayag ni Dr. Jonic Natividad it DA 6, kada an-um nga buean ginakolekta nanda ro 930 samples nga ginapdaea sa Manila o Cebu para sa mga laboratory test.
Sa makara, uwa pa it nagpositibo sa nasambitan nga mga samples.
Matandaan nga daywang dominggo eun ro nagtaliwan, gintipon ro tanan nga mga provincial veterinarians sa rehiyon ag pila ka mga stakeholders, ag mga opisyal halin sa Bureau of Animal Industry (BAI) agud paga-isturyahan ro movement, mga paghugot, ag mga protocol para sa naambitan nga outbreak./JIL B. LACSON