IPAAGI na lamang sa online ang misa sa mga simbahan sa GenSan human nga gibawal sa E.O 25 ang mass gathering.
Sa E.O nga gipagawas sa LGU-GenSan, gipaklaro ni Atty. Arnel Zapatos, city administrator sa syudad, ang sobra sa 10 ka tawo nga panagtapok ang makunsidera nga mass gathering hinungdan nga online usa kinin ipahigayon.
Luyo nga musunod sa patakaran ang simbahan, giangkon ni Fr. Julito Villarente, parish priest sa Our Lady of Peace and Good Voyage nga unta ginakonsidera usab ang simbahan tungod dagko ang mga simbahan ug may gipatuman usab nga pamaagi aron dili magtapok ang tawo.
Hinuon, tungod gibawal man ang mass gathering, ipahigayon nila ang misa online, alas 7 sa buntag sa adlawng Dominggo.
Uyon usab ang ubang deboto sa maong patakaran aron makatabang sa pagpakungod sa kaso sa COVID-19 sa GenSan.