Gin-engganyo ni Police Major Leopoldo Booc, Jr., Chief it Maritime Police Region 6 ro mga nabiktima it ‘palit-pera’ modus nga magpasaka it kaso kontra sa suspek nga naaresto ku nagtaliwan nga gabii sa Batangas Port.
Sa interview it Brigada News FM Kalibo kay Police Major Booc Jr., ginsueang eon it Nabas PNP ro nasambit nga suspek nga si Evert John Diaz, 37yo nga taga Sampaloc Manila, miyembro it LGBTQ sa Batangas para ibalik iya sa Aklan bangud may nabiktima raya sa Nabas ku Marso 31.
Nagpadumdom man si Major Booc sa publiko eabi eon sa mga establisyemento nga maging vigilante sa tanan nga oras agud malikawan ro makarondaya nga insidente. / ANN DESLENE SALAZAR