LEGAZPI CITY – Posibleng mahampang o masangatan nin kaso an mga nagdaralagang kandidato kan Barangay asin SK Elections kun dai sinda makakapagsumiter nin Statement of Contributions and Expenditures (SOCE) ngunyan na aldaw.
Segun ini kay COMELEC Albay Provincial Election Supervisor Atty. Ma. Aurea Bo-Bunao. Ngunyan na kaya an ultimong aldaw kan pagparasa kan SOCE.
Magigin kwestyonable kaya su boot an pag-asumer kan mga elehidong opisyal asin pwedesir masiripan an saindang validity kun dai sinda makakapagsumiter kaini.
Segun kay Bunao, nagkapira sa mga rason kun nata dai pa nakakapagsumiter nin SOCE an iba, nanggana na su boot sinda kaya paghuna, dai na yan kaipuhan.
Pinahimutikan ini ni Bunao, huli ta an pagsumiter nin SOCE susog sa ley asin nasa irarom ini kan saindang sinumpaan kan sinda man mag-file nin certificate of candidacy.
Mientrastanto, nasa labi 25,000 an mga nagdaralagang kandidato, naglalaom si Bunao na dawa dai makumpleto, at least dakol man lamang an turnout.