LEGAZPI CITY – Kinumpirmar kan Polangui Emergency Medical Service – Quick Response Team (EMS-QRT) na mas dikit an nairehistro nindang mga aksidente ngunyan na bulan nin Disyembre.
Segun ini kay Registered Nurse Christopher Encisa kan EMS-QRT, asin sinabi niya man na mas dakol an nairehistrong mga aksidente kan nakalihis na bulan kan Nobyembre.
Kun marurumduman, kasusaro sana, gadan an driver kan motorsiklo mantang lugadan man an menor de edad na backride sa sarong akisdente sa Maharlika Highway Centro Occidental.
Katakod kaini, padagos an pagirumdom ni Encisa sa publiko orog na sa mga driver nin lunadan na mag-iringat lalo naman ngunyan na panahon nganing kompleto an pamilya sa pagselebrar kan Pasko asin Bagong Taon.