Mga nasawing rescuers sa Bulacan, kinilala bilang mga bayani ng kanilang mga kasamahan

Kinilala ng probinsya at kapwa mga disaster workers ang limang rescuers na tinangay ng baha sa kasagsagan ng rescue operation sa Bulacan dahil sa bagyong Karding.

Ayon sa head ng Provincial Disaster Risk Reduction and Management Council, sina George Agustin, 45; Marvy Bartolome, 36; Narciso Calayag Jr., 33; Troy Justin Agustin, 30; at Jerson Resurecion ay handang isakripisyo ang kanilang buhay para makapagsilbi sa publiko.

Pagbabahagi ni Bulacan PDRRMO head Liz Mungcal, na timirik ang truck ng mga rescuers dahil sa baha, kaya gumamit ang mga biktima ng banka at dumiretso ng gas station, bilang ito umano ay flat area, pero bumigay ang pader sa katabi nito na bumagsak sa vessel, dahilan para mahigop sila ng malakas na agos.

Samantala, sinabi naman ni Governor Daniel Fernando na magbibigay ang provincial government ng mataas na parangal para sa mga nasawing rescuers, at pagpapaabot ng tulong sa kanilang mga naiwang pamilya.

DILG, nagbigay-pugay

Kinilala ni Interior Secretary Benhur Abalos ang kabayanihan ng limang mga rescuers sa Bulacan na nagbuwis ng kanilang buhay sa kasagsagan ng pananalasa ng Bagyong Karding.

Sa isang pahayag, nagpa-abot ang Kalihim ng ‘snappy salute’ para sa mga rescuers na sina Narciso Calayag, Jerson Resurreccion, Marvy Bartolome, George Agustin, at Troy Justin Agustin.

Isa umano silang patunay sa ‘geniuine’ na public service kahit na ang kapalit nito ay ang sarili nilang mga buhay.

Umaasa si Abalos na ang kanilang dedikasyon sa trabaho ay magiging inspirasyon sa lahat ng mga Pilipino.

Dapat aniya’y maipakitang hindi masasayang ang ginawa nilang pagbubuwis ng buhay para sa serbisyo sa kanilang mga kapwa.
#

RELATED STORIES:

Isang senior citizen, kumpirmadong patay sa Quezon

5 rescuer patay sa pananalasa ng bagyong ‘Karding’ sa Bulacan

Leave a Reply

Your email address will not be published. Required fields are marked *