Regalong ari-arian ni Quiboloy, nauwi lang sa mga akusasyon ng graft – Duterte

Inihayag ni Pangulong Rodrigo Duterte na ang mga regalo sa kanya ng kanyang malapit na kaibigan na si Pastor Apollo Quiboloy ng Kingdom of Jesus Christ, ay humantong lamang sa mga alegasyon ng graft laban sa kanya.

Sa isang panayam sa Pangulo ay sinabi niya na nakatanggap siya ng bahay mula sa pastor, na ginamit ng kanyang mga kritiko tulad ni Senator Antonio Trillanes para akusahan siya na sangkot sa mga maanomalyang mga transaksyon.

Ipinunto ng Punong Ehekutibo na natanggap niya ang bahay mula kay Quiboloy noong alkalde pa lang siya ng Davao City.

Nilinaw naman ng Pangulo na hindi niya pa pag-aari ang ibinigay sa kanya na bahay dahil ang kasunduan nila ni Quiboloy ay tatanggapin niya lamang ito oras na nakapagretiro na siya sa pulitika.

Samantala, inihayag naman ng Pangulo na balak niyang tumira sa nasabing bahay oras na matapos ang kanyang termino sa 2022.

Dinipensahan naman ni Quiboloy ang regalo niya sa Pangulo, at sinabi na ibinigay niya ito dahill sa kanilang pagkakaibigan.

Leave a Reply

Your email address will not be published. Required fields are marked *