Nag-abot eun sa 407 ro mga numero it namatay bangud sa pagpanalasa it Super Typhoon Odette ku nagtaliwan nga dag-on
Raya hay base sa datos nga ginpaguwa it National Disaster Risk Reduction and Management Council (NDRRMC) kahapon eamang.
Sa 78 gihapon ro missing samtang 1,147 ro ninahan bangud sa bagyo.
Sa 4.8 million individuals man ro apektado kung siin 339,881 ro nagapabilin gihapon sa 1,487 evacuation centers.
Kaeakip sa mga lugar nga apektado it bagyo ro Mimaropa, Region 5, Region 6, Region 7, Region 8, Region 9, Region 10, Region 11, Region 12, Caraga, ag BARMM. /JIL B. LACSON