Nagpadulong sa Marikina City ang pila ka mga opisyales sang Roxas City kag probinsya sang Capiz agud maghatag sang suporta sa mga athleta indi lamang sa mga delegado sang probinsya kundi pati man sa bug-os nga rehiyon 6.
Sa interview sang Brigada News FM Roxas City kay Mr. Ronnie Reteracion, iya ginpahayag nga nagpadulong sa venue sang Palaro sanday Cong. Tawi Billones, BM Thea Faith Reyes, SP Sec Zoe Herrera, former BM Bo Bediones kag Mr. Paolo Roxas, kun sa diin nagpalab-ot man sang suporta si Mayor Ronnie Dadivas sa delegasyon sang Roxas City kag Capiz sa ila pagpakigbato nga makadaug sang medalya kag maghatag kadungganan indi lang sa syudad kag probinsya kundi sa bilog nga Western Visayas.
Nahibaluan nga as of 4:00 PM subong nga adlaw sang Martes, Agusto 1, yara sa pang-apat nga pwesto ang Western Visayas Regional Athletic Association (WVRAA) Region 6 sa Palarong Pambansa 2023 Medal Tally Partial and Unofficial Result.
May yara na sang 8 ka medalya ang Western Visayas ini amo ang 3 ka gold, 4 ka silver kag 1 Bronze. | Judy Ann Juare