GIKATAKDANG magsumite og sulat, adlawng Lunes, Nobyembre 5 ang mga opisyales sa Purok Upper Puting Bato, Barangay Calumpang ngadto sa buhatan ni Engr. Emerald Signar sa City Engineering Office alang sa ilang hangyo nga aksyonan ang dugay na nilang mulo ug kabalaka bahin sa nagkadako nga buak sa mga dike sa ilang lugar.
Gibutyag ni Levy Gonzales ang purok chairperson sa maong lugar nga ilang isumite ang request letter sa maong buhatan aron nga mahatagan na og askyon ang ilang problema panahon nga makasinati ug grabeng bul-og sa tubig baha sa ilang lugar ug aron nga mawala na ilang kabalaka nga mu apaw sa gatusan ka mga panimalay.
Kahinumdumang una nang gibutyag nga magpahigayon og inspeksyon ang mga sakop sa City Engineering Office kalabot sa ilang nadawat nga report sa nabuak nga dike sa maong lugar apan sa kasamtangan, padayong nagpaabot ang katawhan mga ospiyales sa purok sa ilang aksyon kalabot niini. I MJ Fernandez