TODO suporta ang mga katawhan sa GenSan sa adlaw sa pagduso sa kandidatora sa bando sa Achievement with Integrity Movement kon AIM Oktubre 7 adlaw nga Huwebis.
Sumala kay Bebeng gikan sa Barangay East angkunon niya nga siya orihinal gayod nga taga suporta sa partidong AIM sa panahon pa ni kanhi Mayor Adelbert Antonino ug ang ilang pamilya solido gayod nga anaa sa partido hangtud niining panahuna.
Gidugang ni Bebeng nga sa pagka tinuod tungod sa klaro sila nga taga suporta sa AIM dili gayod sila mahatagan sa mga sekreto nga gina panghatag sa kasamtangan nga administrasyon,nahimout nalang kini ug sa iyang personal nga panglantaw mas lisod pa ang ilang gi-agihan sa una isip taga suporta sa partidong AIM nga ilaha pa ginagakus gakus ang mga balota aron lang madepensahan ang boto.
Nagsugod daw siya sa pagka-watcher hangtud nga nahimo nga assistant barangay leader, samtang ang iyaha ginasulti sa iyang mga sakop nga modawat ta og kwarta nga dali lang mawala.
Sumala usab kay Lucy nga taga Barangay Bawing nakita na daw niini ang mga kandidato sa partido sa AIM ug iyang masulti nga matinud-anon kini nga grupo sa pagdumala puhon sa Gensan.
Ang iyaha daw nakita sa kasamtangan nga sitwasyon sa Gensan ang kabag-uhan kaniadto mao lang gihapon ang iyang nakita ug gusto niini og dugang pa nga kabag-uhan, kalamboan nga masinatian gayod sa tanang katawhan.
Sa panglantaw ni Lucy kwalipikado kaayo si Idol Elmer Catulpos nga mahimo nga amahan sa syudad ug sa dihang wala pa sa politika si Catulpos natagad gayud daw siya sa dihang aduna silay tuyo. ( Ever Diazon)