LEGAZPI CITY – Nakahanda na ang iba’t ibang mga parokya ng Diocese ng Legazpi City para sa nalalapit na Semana Santa.
Sa panayam ng Brigada News FM Legazpi kay Father Rex Arjona, spokesperson ng Archdiocese of Legazpi, sinabi nito na handa na ang 52 parokya ng lungsod sa Semana Santa na isa sa kanilang hinihintay at pinaghahandaan taun-taon.
Dagdag pa nito, simula Palm Sunday o Linggo ng Palaspas hanggang sa Linggo ng Pagkabuhay o Easter Sunday ay mayroong mga akitibidad na isasagawa ang mga parokya sa lungsod.
Ayon sa kanya, mahalaga ang pakikiisa ng mga Katoliko sa mga akitibidad ng simbahan ngayong Semana Santa para sa pisikal at ispiritwal na aspeto. | Brigada Intern EUGENE ROTIAN