LEGAZPI CITY – Tinawan-duon sa nakalihis pa sanang 3rd Regional Barangay Health Workers’ (BHW) Summit 2023 na ginibo sa Albay Astrodome an mga programa asin benepisyo na pwedesir mapakinabangan kan mga barangay health workers sa bilog na rehiyon kan Bicol.
Sa nasambit na summit, mas pinararom pa an kaaraman kan BHWs sa saindang mga karapatan asin importansya sa komunidad, orog na sa mga benepisyo na dapat na makuwa kan mga ini.
Kaibahan sa mga nagpartisipar an mga hale sa probinsya kan Albay, Camarines Sur, Sorsogon, Masbate, asin Catanduanes.
Pinag-oroalayan digdi an dapit sa Joint Memorandum Circular No. 001 series of 2023 na pinirmahan kan Department of Health asin Department of Interior and Local Government kun sain sa irarom kaini, pigsyerto na matatawan nin security of tenure an mga BHW, orog na an Magna Carta of BHW, asin an RA 7883 o BHW’s Benefits and Incentives Act of 1995.