Halos sang gatos ka mga residente halin sa lima nga kabanwahan sa munisipalidad it Miag-ao ro nagtipon ku December 28 sa town plaza para ikondena ro New People’s Army (NPA), ro armed wing it Communist Party of the Philippines (CPP) nga nagaselebrar ro ika-53 anibersaryo.
Base kay Miag-ao deputy police chief, Police Lieutenant Lonelyn Palamillo, ro mga residente hay halin sa Banga Buyo, Alimodias, Tiglawa, Maduyo, ag Tigmarabo.
Dugang pa dikara, tatlo ka dating rebelde ro nagpahayag it andang mga karanasan sa kilusan kapareho gutom ag kapintasan halin sa andang mga lider.
Ginsunog man it mga residente ro watawat it CPP – sambilog ka simbolikong pagkilos nga uwa nanda ginabaton ro mga rebelde sa andang mga banwa./JIL B. LACSON