LEGAZPI CITY – Kinumpirmar kan Public Safety Office (PSO) Legazpi na preparado na an mga sistema katakod kan selebrasyon kan kapyestahan sa syudad kan Legazpi saaga, Oktubre 24.
Sa intrevista kan Brigada News FM Legazpi kay PSO Legazpi City head Rolly Esguerra, sinabi niya na katuwang kan saindang opisina an PNP pati na an bilog na esfuerso kan lokal na gobyerno nganing mamantenir an kaayusan sa selebrasyon.
Segun saiya, igwa nang nakalinyadang road closure na mapoon ngunyan na aldaw kun sain ikokondusir ngunyan na aga an drum and lyre competition mantang sa hapon naman an fiesta parada de Legazpi.
Mas halabang durasyon ni road closure an piglalaoman atsyan na hapon huli ta dakol su boot an mga mapartisipar sa parada.
Mientrastanto, pigsyerto man ni Esguera na an saiyang mga personahe, pig-iinguwa asin piggigibo an gabos nganing maasigurar man an kaayusan asin pagigin organisado sa maabot na kapyestahan.