LEGAZPI CITY – Tinawan-doon kan Mines and Geosciences Bureau (MGB) Bicol an dapit sa Presidential Decree No. 1607 o an Water Code of the Philippines.
Ini katakod kan nairehistrong pagrasay ki daga harani sa may salog sa Bgry. Buraguis kan nakalihis na bulan kan Disyembre.
Sa intrevista kan Brigada News FM Legazpi kay MGB Bicol Chief Geologist Arlene Dayao, sinabi niya na ipinagbabawal kan ley an pag-iistar, o pagtutugdok ki harong asin istraktura sa kadagaan na may 3 metros an distansya hale sa pampang kan salog.
Alagad, kun may itutugdok na istraktura na may kinaraman sa flood control, tinutugutan man ini.
Segun kay Dayao, kun nautob sana ini sa nasambit na barangay, posibleng dai na nangyari an insidente.
Mientrastanto, naenot naman na sinabi ni Dayao na rekomendasyon ninda na gibuhong ‘no build zone’ an parteng ito sa barangay nganing dai na mautro pa an kaparehong insidente.