TANGGONG na selda sa Philippine Drug Enforcement Agency (PDEA) 12 ang usa ka minor de edad human nasikop sa operasyon.
Sa pamahayag ni Aileen Lovitos, regional director sa PDEA-12 nasikop nila si alyas Jeve sa Zone 2B, Barangay Bula, GenSan.
Napalitan kini og putos sa gituohang shabu gamit ang P500 buy busy money apan naimbargo pa sa posiyon sa dinakpan ang laing upat ka putos, sa kinatibuk-ang naa sa P4,000 ang iligal nga drogang nakumpiska. Dugang ni Lovitos, si alyas Jeve ang gikonsidera nila nga high-value target.
Samtang gipasaka na nilang ang kasong dunay kalabutan sa gidiling droga batok sa dinakpan. Karong tuiga, mas pakusgan pa sa ahensiya ang kampanya batok iligal nga droga, dugang ni Lovitos.
Gawas sa operasyon, pukos usab sa ahensiya ang barangay drug clearing operasyon asa sa GenSan 13 na gikan sa 26 ka barangay ang gideklarang cleared sa presensiya sa gidiling droga. Nakalabay’ng tuig, halos P15 milyon kantidad sa iligal nga droga ang nakumpiska sa mga gilusad nga operasyon. I Richel Gubalani