KASOHAN na sa kapulisan sunod semana ang pipila ka personalidad nga gikaengong lambigit sa pagpamusil patay sa duha katao.
Matud ni Police Major Carl Jayson Baynosa, hepe sa Makar Police Station, duha katao ang suspek nila sa pagpatay kang Wahab Kasim ug Alssimal Abisani nga mga residente sa GenSan. Dugang ni Baynosa, onsehan sa iligal nga droga ang nasuta sa ilang imbestigasyon nga motibo sa maong krimen.
Una nang, giangkon ni Col. Nicomedes Olaivar Jr., director sa GenSan City Police Office (GSCPO) nga konektado sa aktibidad sa iligal nga droga silang Abisani ug Kasim.
Enero 20 sa buntag, napalgang patay nga dunay samad pinusilan sa nagkadaiyang bahin lawas ang duha maong mga tawo sa duol sa sanitary landfill sa Cabuay, Barangay Sinawal GenSan. I Richel Gubalani