Ibinahagi ni Miss Universe Singapore 2020 Bernadette Belle Ong na isinilang at lumaki siya sa Pilipinas hanggang sa siya ay mag-11 taong gulang.
Sa video na naka-post sa Facebook page ng Miss Universe ay sinabi niya na tumira rin siya sa Hong Kong sa loob ng isa o dalawang taon.
Dagdag niya, nakatulong ang pagtira niya sa iba’t-ibang mga bansa para mapalawak ang kanyang kaalaman kaugnay sa iba’t-ibang mga kultura at komunidad.
Anya, lalo niya pang na-appreciate ang mga roots niya bilang Filipino-Chinese at pati na rin ang kanyang pagiging immigrated sa isang modernisado ngunit traditional-centric na komunidad tulad ng Singapore.
Mababatid na kaya ni Ong na magsalita ng Tagalog, English at conversational Mandarin base sa pageant website na Missology noong Diyembre.
Samantala, nakalipad na si Ong papuntang Florida noong May 1 para paghandaan ang ika-69 na Miss Universe pageant sa May 16.