TANGALAN,AKLAN—Bangkay eon kat makit-an ru missing nga binatilyo matapos maeomos sa baybayon it Brgy. Dumatad, Tangalan,Aklan ku Dominggo.
Sa interview it BRIGADA News FM Kalibo kay Brgy. Kagawad Ed Tapispisan, bandang alas 2:30 kaina’t aga-aga nakit-ang naka kaya eon r biktima sa bibi it baybayon.
May nina nga nakit-an sa uyahon ag iba pang parte it kaeawasan hatud it pagtama sa mga bato sa lugar.
Gin paliwanag ni Tapispisan nga may una nga portion nga madaeom ru tubi ag mabaskog ru current kapin pa kun mabaskog ru humbak.
Nagkatugma sa pahayag it pilang ka mga responders nga una eamang maeapit sa lugar it natabu-an.
Sa makaron, gin boe eon it pamilya ru bangkay it biktima ag gin dineritso sa sangka punenarya bago ihatud sa andang panimaeay.
Padumdom ni Tapispisan sa resort owner, dapat butangan it ”boya” ag mga signages agud ma aware ru mga bisita nga may una nga delikadong area sa lugar.
Kaibahan ni Tapispisan ru MDRRMO-Tangalan kat makit-an ru missing nga binatilyo.//MARIVIC Y. ILIN