Arestado ang isa ka mister matapos nakuhaan sang masobra P170,000 nga balor sang iligal nga droga sa ginkasa nga drug buy-bust operation sang mga kapulisan sa Barangay Ibaca, President Roxas.
Ginkilala ang naaresto kay Albun Clarito, 40-anyos, residente sang Barangay Aranguel, sang nasambit nga banwa.
Narekober sa posisyon ni Clarito ang 12 tanan ka sachets sang ginapatihan shabu kag P2,000 nga buy-bust money.
Nahibaluan nga lakip sa priority list sang anti illegal drug watchlist sa municipal level si Clarito.
Magapangatubang ini sang kaso nga paglapas sa Republic Act 9165 ukon Comprehensive Dangerous Drugs Act of 2022.
Sa karon, yara na ini sa kustodiya sang President Roxas PNP para sa nagakaigo nga disposisyon. | Judy Ann Juare