Most Wanted Person sa Aklan, nadakpan sa Antipolo City

Dakup it mga kapulisan ru sangka 27 anyos nga Most Wanted Person sa Aklan matapos serbihan it warrant of arrest sa Antipolo City.

Nakilaea ru akusado nga si Bobby Masula, sangka construction worker, ag residente it Brgy. Castillo, Makato, Aklan apang presenting naga estar sa Sitio Tanza 1 Barangay San Jose, Antipolo City, Rizal.

Si Masula hay may Criminal Case No. 10513 sa kasong murder sa pag patay kay Rolando Masula, sa legal nga edad ag Brgy. Castillo, Makato.

Gin isyu ni Hon. Domingo Casiple, Presiding Judge RTC, Branch 8, Kalibo, Aklan ru warrant of arrest ku September 6, 2012.

Gin himo ru operasyon it PIT-Rizal RIU 4A, PIT- Aklan RIU 6 (Lead Unit), kaibahan ru CIDG Rizal PFU, 404th AMC RMFB4A, PIU Aklan, Aklan Trackers, 1st Aklan PMFC at Makato MPS, Aklan PPO sa operasyon.

Samtang, uwa’t gin rekomendang piyansa ru korte para sa temporaryon gkahilwayan it akusado.//MARIVIC Y. ILIN

Leave a Reply

Your email address will not be published. Required fields are marked *