Malampuson nga nasikop sa kapulisan sa Marilog PNP ang Most Wanted Person sa kasong murder kagahapon sa alas-4:25 sa buntag sa Poblacion Barangay Datu Salumay Marilog District ning syudad.
Ang dinakpan nailang si Alejandro Rocat Magalos, 58, construction worker ug residente sa P5 Sitio Luman New Valencia Tugbok ning syudad.
Nadakpan si Magalos human nga gitunolan sa warrant of arrest nga giisyu ni Hon. Retrena Espe Funtes, Presiding Judge sa Regional Trial Court Branch 10, 11th Judicial Region Ecoland ning syudad.
Walay girekomendang pyansa alang sa temporaryong kagawasan sa dinakpan.