Sikop sa mga sakop sa Baliok Police Station ang usa lalaki nga most wanted person sa kasong statutory rape ug acts of lasciviousness, pasado alas 3:00 sa hapon, Mayo 9, 2024 sa SM Ecoland ning syudad.
Giila sa kapulisan ang dinakpan nga si Lampiyak Kadaral, 60 anyos, minyo, top 3 Regional level most wanted nga residente sa Purok 9, San Rafael, Brgy 10-A, Davao City.
Malampuson nga nasikop ang suspek pinasikad sa warrant of arrest nga gi-isyu ni Hon. Zarah Daquila Aguisando-Silvosa, Acting Presiding Judge of RTC 11th Judicial Region, Branch 33, Davao City sa kasong Statutory Rape ug Acts of Lasciviousness.
Walay girekomendang pyansa ang korte sa kasong Statutory Rape batok sa dinakpan, samtang kantidad sa Php180,000.00 sa kasong Acts of Lasciviousness alang sa temporaryong kagawasan niini.
Tingkagol na karon sa Baliok Police Station ang maong dinakpan.