Sangka kulay puti nga motor banca ro insigida nga ginharang it 2nd Maneuver Platoon ag 2nd Aklan Provincial Mobile Force Company bangud sa pag eapas sa One Entry, One Exit Policy.
Insigida nga na-intercept it mga otoridad ro nasambit nga banca nga may pangaean nga BANS-1 nga illegal nga nagdungka sa Sitio Lugutan, Brgy. Manoc-Manoc, Malay, Aklan, ku gabii it December 23.
Ro nasambit nga banca hay nasayuran nga may kargang sangka baboy.
Gin isyuhan it citation ticket ro mga nag eapas samtang ro motor banca hay ginkustodiya sa 2nd Aklan PMFC a ang boat captain hay gindaea sa Malay Municipal Police Station para sa documentation.
Ro nakumpiska man nga baboy hay dinaea sa Municipal Agriculture Office (MAO). // ANN DESLENE SALAZAR