Padayun ro imbestigasyun it mga kapulisan angot sa 2 ka magsunod nga insidente it pagpanakaw sa pila ka establisyemento komersyal iya sa banwa it Kalibo.
Nasayuran nga ro estilo it mga manakaw hay nagasaka sa bubong ag igto nagaagi para makasueod ag makapanakaw.
Kahapon hay sangka motorcycle dealer shop sa 19 Martyr’s St., Kalibo ro tinakawan kung siin sa atop nag agi ro manakaw.
Ro natigayun nga natakaw sa motorcycle dealer shop kahapon hay ro 2 ka cellphone ag sambilog nga laptop.
Kan o eang hay tinakawan man ro sangka appliance center sa may Estancia, Kalibo kung siin sa atop man gihapon nag agi ro mga manakaw ag natigayun nga mabuoe ro cash nga 1,600 pesos cash nga ginasugid nga ipon challenge it sangka empleyado. // ANN DESLENE SALAZAR