Motorista, gadan sa makalihis makabangga an pigmamanehar na motorsiklo sa sarong truck sa sa Guinobatan, Albay

Gadan an sarong motorista makalihis makabangga an pinaglulunadan kaining motorsiklo sa sarong nakaparadang truck sa banwaan kan Guinobatan, Albay kan uminaging Domingo.

Sa inisyal na imbestigasyon kan Guinobatan Municipal Police Station (MPS), napag-araman na mantang pigbabaybay kan motorsiklong pigmamanehar ni Edizer Ogayon Y Mimay an tinampong sakop kan P-1, Lower Binogsacan kan nasambitan na banwaan, kan aksidente ka ining mabangga an sarong nakaparadang 10-wheeler dump truck na pinagmamanehar ni Leonilo Conejos y Pabadora nin huli ta nagkaigwa ini nin problema sa makina.

An biktima, nagsapar nin manlain-lain na tama sa saiyang hawak na tulos man dinara sa sarong ospital sa siyudad kan Ligao para sa atensyong medikal, alagad ipinagdeklarar man sanang dead on arrival kan attending physician.