NAGPABILING tanggong sa selda sa Traffic Enforcement Unit ang usa ka motorista human malambigit sa insidente sa bangga National highway, Bario Blaan, Barangay Apopong, GenSan.
Nailhan ang drayber nga si Ricky Mainit, 18-anyos, taga Purok San Roque, Barangay Labangal nga una nang nalambigit sa bangga kaniadtong Disyembre 25 sa buntag asa naangol ang laing motorista nga giilang si Jomarie Anoba, taga Purok 23, Barangay Lagao.
Matud pa sa TEU gilatas sa duha ka motorista ang Bario blaan, si Jomarie gikan sa Barangay Apopong padulong sa Makar direction samtang si Ricky gikan sa Makar paingon og rounball sa Apopong.
Kusog matud pa ang dagan ni Ricky ug kalit kining miliko sa direksyon nga giagian ni Jomarie hinungdan sa bangga nga misangko sa pagkaangol sa biktima. Sa karon wala pay final nga panagsabot ang duha ka drayber samtang nagpaayo pa sa ospital ang ang samdan nga biktima. I Enamie Mogpon