Narekober eon it tag ana nga si Jayfer Natalio nga taga Brgy. Mambog, Banga Aklan ro anang naduea nga motorsiklo.
Sa interview it Brigada News FM Kalibo kay Mr. Rafy Nahil nga taga banwa it Madalag, ro nasambit nga motorsiklo hay gin abandona sa Sitio Datag, Brgy. Tigbawan, Madalag sa atubang it baeay ni Nolie Navarosa.
Suno man kay Nolie Navarrosa, Lunes pa it agahun nanda kat napan uhan ro nasambit nga motorsiklo nga gin aywan sa atubang it andang baeay hasta sa nasayuran nga may naga usoy gali kara.
Insigida man nga nag agto sa Madalag si Natalio ag kinumpirma nga ana ro nasambit nga motorsiklo.
Suno kana, posibleng sinakyan it owa makilaea nga suspek ro anang motorsiklo bangud full tank segun raya ag posibleng ro motorsiklo nga naaywan igto sa andang kaeapit-baeay hay ana it suspek bangud owa eon raya it gasolina. // ANN DESLENE SALAZAR