Bangud sa padayun nga pagtaas it mga insidente it pagpang bastos sa mga kababaihan sa probinsya it Aklan, nagpasa it resolusyon ro Men Opposed to Violence Against Women Everywhere MOVE Aklan para sa 17 mga Munisipalidad para magpatigayun it Orientation kaangot sa Republic Act No. 11313 o Safe Spaces Act sa tanan nga mga Tricycle Operators and Drivers Association TODA and Jeepney, Vans Operators and Drivers Associations/Cooperatives sa probinsya.
Sa ginpatigayun nga 12TH MOVE Provincial Congress 2023 sa LGU Kalibo, nagkasugot ro tanan nga miembro it MOVE Aklan nga aprubahan ro nasambit nga Resolusyon para ma-educate ro mga drivers it mga Public Utility Vehicles kaangot sa laye, agud owa it mga kababaihan eabi eon ro mga estudyante nga maging biktima it kabastusan.
Gindugang pa it MOVE Aklan sa andang resolusyon nga ro laye hay padayun nga nagapanawagan it padayun nga education and Awareness Campaign para masiguro nga makaabot sa publiko ro nagkasari sari nga Gender-Based Sexual Harassment ag ro kaakibat kara nga penalidad. // ANN DESLENE SALAZAR