Inanunsyo ng Maharlika Pilipinas Basketball League o MPBL nang suspensiyon ng ilang manlalaro nito dahil sa paglabag sa rules and regulations ng liga.
Ang desisyon ng liga ay inaprubahan ni MPBL founder at Chairman Manny Pacquiao.
Hindi rin dinetalye ng regional league kung ano ang nalabag ng mga player na sinuspende.
Sabi ni Pacquiao , mananatiling mapagmatyag ang MPBL para mabantayan ang kanilang mga player at coach.
Patuloy na nakikipagtulungan si Pacquiao sa mga opisyal ng liga, sa pangunguna ni commissioner Kenneth Duremdes at mga may-ari ng koponan, upang matiyak na maayos ang takbo ng 29-team, home-and-away ng liga sa ikalimang season nito.//CA