NABALAKA ang mga gagmay’ng negosyante sa GenSan sa epekto sa sugyot nga P100 dugang sweldo sa pribadong empleyado.
Butyag ni Kristine Gamboa, manager sa cellphone shop dehado kung ipatuman kini tungod dili nila kaya nga dungagan og P100 ang sweldo sa ilang mga empleyado gumikan sa gamay sa ilang kita.
Sa bahin ni Joel Gonzales, regional director sa Department of Labor and Employment (DOLE) 12 daghan og posibilidad ugaling mahimong balaud ang sugyot.
Usa na niini ang posibleng pagpatuman og work arrangement o retrenchment partikular na sa gagmay nga mga negosyante.
Good news usab alang sa mga empleyado sama ni Fortunato Orongan, sekyu ang dugang nga P100 sa sweldo tungod dako kini og tabang kanila. Sa Soccsksargen region naa sa P403 ang daily nga suholan sa non- agriculture establishments samtang P383 sa agriculture, service, ug retail. Ang ikaduhang tranche nga P13 alang sa dugang suhol ang gipatuman atong Enero 01, 2024. I Richel Gubalani