GIKWESTYON sa opisyal sa Mindanao State University (MSU) GenSan ang pamahayag sa gobyerno nga wala na’y miyembro sa militante sa Marawi City.
Ang pamahayag ang gibuhian sa taga gobyerno human na-liberate ang Marawi City atong 2017 human gisakop sa Islamic State group. Butyag ni MSU-GenSan chancellor Usman Aragasi, gihuptan niya ang pamahayag human sa pulong kaniadto sa Pampanga kauban ang military.
Apan nakurat siya dihang nahitabo atong Domingo sa buntag ang pagbusikad sa eksplusibo sa gymnasium sa MSU-Marawi atol sa pagpahigayon sa Catholic mass nga gikamatay sa upat katao. Dugang ni Aragasi, tumong sa ISIS ang kuhaon ang MSU sa Marawi.
Tungod niini, angayang pakusgan sa otoridad ang ilang intelligence monitoring aron malikayan ang subling pagkakalas sa kinabuhi tungod sa pagpamomba. Giangkon sa opisyal nga naghimo sila og lakang aron makonhuran ang kahadlok nga gibati sa mga estudyante dungan sa hitabo. I Richel Gubalani