Multi-million agri-fishery complex tukuron sa Sarangani

TAKDANG tukuron ang usa ka multi-million Agri-Fishery Complex o provincial fish port sa Sarangani Province nga gituohang makatabang sa pagpalambo sa fishing sector sa probinsya.

Kini ang kabahin sa first 100 days report ni  Gov.Rogelio Pacquiao asa gibutyag nga aduna nay mga inisyal nga lakang alang sa katumanan sa maong proyekto.

Segun niini kinahanglan nga makamugna sila sa ilang kaugalingong

fish port facility aron mapromotar ang agri-fisheries industry sa unom ka mga coastal municipalities sa probinsya ug makamugna og dugang trabaho ug panginabuhian.

Sa Sarangani Province, adunay 20,899 ka mga registered nga mananagat ug laing 30,000-plus marginalized nga mananagat ang natala.

Ang maong agri-fishery complex ang ilalom sa Provincial Agriculturist Office ug gilaumang may gahin nga pondo nga P300-million pinaagi sa pag-finance sa Landbank of the Philippines.

Butyag pa ni Provincial Agriculturist Jonathan Duhaylungsod nga ang proyekto ang makasuporta og dako alang sa ‘strategic fisheries and aquaculture commodities’ nga motabang sa mga small and medium-scale nga mananagat sa municipal o commercial fishing industry nga naga-operate sa lugar.

Butyag ni Duhaylungsod nga planong tukuron ang fish complex sa

80,000-sq. meter area sa Kawas sa Alabel o kaha sa Malapatan.