Naka angkon it tama’t pagbayo sa parte it kaeawasan ru sangka Municipal employee samtang naga bisita sa lamay sa Sitio Naga Brgy. Poblacion, New Washington, Akan
Sa report, nakilaea ru biktima nga si Virgilio Remetio, 64 anyos samtang gina turo nga suspek hay nakilaeang si Renato dela Cruz, 31 anyos , tanan mga residente it nasambit nga lugar.
Akig nga akig ru suspek samtang naga paeapit sa biktima ag ikara gin kompronta angot sa mga aligasyon it biktima kontra sa live-in partner it suspek.
Gulping binayo it suspek ru biktima apang naka iwas pero bukon pa gid it komporme ru suspek rason nga gin eagas pa gid ag ikara madasig nga gin binayo ag natumba ru biktima.
Eagi man nga gin respondihan it mga kapulisan ru insidente rason nga gin dakup ru suspek.
Samtang, gin daea sa hospital ru biktima ag padayon pa nga gina bueong.
Kulong sa makaron sa New Washington MPS ru suspek.//MARIVIC Y. ILIN