LEGAZPI CITY – Nadakop na kan mga otoridad an Municipal Most Wanted Person kan Daraga, Albay na may kasong Acts of Lasciviousness sa Baldo 1, Purok 3, Brgy. Anislag kan nasambit na banwaan.
Binisto an akusado na si alyas “Bentong”, residente kan nasambit na barangay.
Segun sa report, inarestar ini sa kusog kan mandahamiento de aresto na pirmado kan Enero 29, 2024 para sa nasambit na kaso na may kinaaraman sa RA 7610 o child abuse.
Maabot man sa PHP200,000 an pigrekomendar na piyansa kan korte para sa saiyang temporamenteng libertad.
Sa ngunyan, an akusado paramienstras dinara sa Daraga MPS para sa magkakanigong disposisyon.