Muabot na sa 87% nga mga trabahante sa turismo sa Northern Mindanao ang nabakunahan batok sa COVID-19.
Sa CORDS X Podcast ni Communications Secretary Martin Andanar, gibutyag ni Department of Tourism Regional Office 10 Regional Director Marie Elaine Unchuan nga mismo si DOT Sec. Bernadette Romulo-Puyat ang nanguna sa ilang ahensya sa pagdasig sa tourism workers nga magpabakuna.
Kini sa tumong nga masiguro nga luwas ang mga trabahante ug mga turista sa re-opening sa Pilipinas.
Sa karon, gikan sa kapig 10,000 ka workers nga target mabakunahan, anaa na sa kapig 9,000 niini ang kompleto nga midawat sa COVID-19 vaccine.